في إجازة منتصف الفصل قررت الذهاب لمدينة الرياض وفي الطريق اتصل علي الصديق وولد جيراننا بدر وبعد ما عرف وجهتي قال ليش ما تجي عندنا في الدمام , قلت كلش ولا الزحمة ومشوار 750 كيلو وآخرتها تدور في الشوارع تدور شقة , قال ماعليك أنا أدبر لك ..
وتغيرت الخطة إلى الدمام , وكان آخر لقاء لي مع هذه المدينة الرائعة أيام الثالثة ابتدائي , إلا زيارة سريعة قبل عام للأسف ماتهنيت فيها بسبة الغبار وقصر الوقت …
راح أذكر بعض المشاهدات في هالرحلة :
الدمام :
# طريق الرياض-الدمام يفتقر لللوحات الإرشادية كما هو الحال في طريق القصيم- الرياض , وحتى داخل المدينة للأسف اللوحات غير كافية .
# للأسف مازالت تعاني مدينة الدمام من تحويلات الشوارع التي بدت تنغص كل المدن في وطني :(
# كورنيش الدمام رووعة ومنظم ونظيف , لكن تنقصه بعض الخدمات والمطاعم التي تمنيت أن تكون مثل كورنيش الخبر .
# أسعار الشقق للأسف ارتفعت وبشكل جنوني , وإن كان السبب برأيي لقلة الشقق والعمائر المخصصة للتأجير .
# شقة مكونة من غرفة وصالة بـ 500 ريال !!!
# أجواء شاطئية ولا أروع منها .
الخبر :
زحمة قاتلة منرفزة تذكرك بالرياض وإشاراتها مع أن الشاطئ ممتع وخدماته متوفرة أما بخصوص دورات المياة فلا تعليق :(
لو قارنت الخبر بالدمام تحس أن الخبر مدينة شابة منتعشة تواكب التطور بخلاف الدمام التي ظهرت كأنها شابت ولو أن عمليات التجميل ماتزال تنعشها !
شاطئ نصف القمر :
للأسف ما استطعت زيارته لأني ضيعت الطريق لقلة اللوحات الإرشادية وضاع وقتي بين إشارات مزحومة وناس تضيعك وكل واحد يقول لك من جهة , وآخرتها صفت على كورنيش الخبر :)
جسر البحرين :
وأنا في الخبر شفت لوحة البحرين قلت مشيناااااااااا :P
قلت أروح أشوف هالجسر اللي مزعجيننا فيه , وأنا على بالي الجسر اللي بين بريطانيا وفرنسا , وليته ماضربت بالخيال :(
الله لا يوريكم على طوابير السيارات اللي واقفة قدام الجوازات , في تقرير قريته أمس يقول وصل العدد في الـ10 أيام إلى أكثر من نصف مليون سعودي ! شكل البحرين صارت سعوديين وشوي بحرينين :)
للأسف توهقت وقلت أبطلع البرج , ولكن للاسف أسوأ ماشاهدت من خدمات وضيق وعدم ترتيب وأهم شي تقص التذكرة والباقي تدكها رجليه مع الدرج بين الدورين! وتزاحم الناس على المصعد اللي ماوراه إلا الحشره والحر والمهاوش عشان تركب !
أحزنتي الطوابير الكبيرة لشعبي الكريم المتجه للدولة الشقيقه !!
تتوقعون كلهم رايحين سينما وإلا يتسوقون !؟؟:13
الصورة مهبووولة يا بدر !
أما الإجازة فـ ما اقول الا الله يخلف على ديرتنا ، والمفروض انك مهيء نفسك لهالأمور وزود !
عموماً حمد الله ع السلامة ولعله تكون درس : (
ما اعتقد ان زحمة الخبر+الدمام أكثر من زحمة كوالالمبور، حتى الرياض اعتقد زحمتها أقل من زحمتنا، لكن ليش البلد كدا مغبّرة؟!! :13 قد ما قرأت غبار و غبار ماعمري اتوقعته كدا!
امممم تكون شققكم ٨ نجوم؟ :4 هدي و لا شق تايمز سكوير خخخ
اقرص لي خدود البيبي الصغنونة ربي يحميها خلاص سحبنا على لجين
الا صحيح، هي لسة تقول “صورن”؟ :))
لوووووووووووووووووووووول ذبحتني ضحك :))
ماقلت ولا شئ مدح كلة ذم الله يهديك ..
هذا وانت جاي زيارة لو عشت بالدمام وش تقول
والله والله يا بدر عندي بوست محبوس له شهور مو قادرة اوصف الدمام فيها من الوضع الرديئ اللى عندنا ،، انت ماتتخيل على شان تروح مشوار بالدمام تجلس يوم كامل تلف بالشوارع تدور شارع مفتوح على شان توصل للمكان اللى تبي تروح له …
نعيش في حالة يرثا لها :/ ..
الخبر مافيها زحمة زي ما انت تقول بس انت جاي في وقت اجازة والشرقية فوق الزحمة ولاتنسى كان زيارة الملك >> يعني معدلين الشوارع اللى انت تحلطمت عليها وحاطين لكم ورد لووووووووووووول
واحنا نفق الدمام ترى مرة مهبل في الدنيا وبالزحمة لان النفق مسبب تسكير لكثير من الشوارع ..
– لو رحت جدة بتحصل زحمة ولو رحت الرياض بتشوف ازحم وازحم ” البلد كلها بحاجة لتوسيع شوارع وتعديل لان العدد السكاني في تزايد والترميم عندهم سيئ ”
– بخصوص جسر الملك فهد مستحيل احد يروح البحرين في الويكند فما بالك بالاجازة ، اساسا الجسر كان زحمة من يوم الثلاثاء قبل لا يعطلون المدارس لان الناس غايبين من بدري // وزحمة الجسر الناس تمشي اعيالها سينما على مجمعات لان ماعندنا بالشرقية كلها الا مجمعين ( الراشد ، الظهران ) والباقي محذوفين من القائمة والحسبه ..
اتمنى انك استمتعت في الشرقية واخذت فكرة عن بلدنا ، وهالمرة تعال الشرقية بايام الويكند العادية مو بعطلة صيف او عطلة مدارس لانك تشوف العجب وتصوم رجب ..
>> ترى اهل الرياض كلهم جاين الشرقية اهم سبب الزحمة > اشردي قبل لا تنجلدين :P
المقارنة حقيقية بين المدينتين ..
ولكن ازدحام الخبر فقط في فترات الاجازة ..
عاود الكرة في وقت آخر .. ستجد أن الشوارع (فاضية) بعد الساعة 11 مساءاً ..
الحياة تتوقف تقريبا بعد 12 ليلاً .. في مدينة الخبر ..
الحمدلله على سلامتكم أهم شي انكم غيرتو جو والأهل انبسطو :)
أنا من الخبر وعلى فكره هي جداً رايقه وهاديه ومافيها زحمه الا يوم الخميس طبعا ..
بس عشانكم جايين بوقت اجازة مدارس بتشوف الزحمة و سواح جايين من مناطق ثانيه .. بس لو جيتو بوقت عادي الوضع غير ..لا زحمه ولا مساقط عند الاشاره ولا هرنات :( >> هاذي الاشياء سبحان الله انا ما اشوفها الا بالاجازات!
وحتى جسر البحرين بالايام العاديه ماتوصل زحمته مثل كذا ..يعني تقريبا 20-30 دقيقه وانت بالبحرين ..
أتمنى انكم تزورونا مره ثانيه وتستمتعون في باقي الأماكن اللي مارحتو لها.. ارشح لك منتجع هوليدي ان .. وبرضو العزيزيه حلوة خاصه للأطفال :)
بسم الله الرحمن الرحيم
امسيك بالخير
يابو لجين
والصوره حلوه جدا وخاصه بنتك ( لجين ) ماشاء الله عليها
طبعا هذا السياحه بالمملكه
يفتحون هيئه السياحه واخيرا يشغلونا
صيفنامع احلنا شييييييييييييييييييييييييييييييييين
الحمد لله على السلامه
ماشاء الله تبارك الرحمن ربي يحفظ لك بنتك
الخبر احبها ساكنة فيها خالتي بيتها على البحر على طول الواسطة و ما تسوي :))
يعني ما نحتاج تمشية بس من جد زحمه على قولك
بس الدمام ما تعجبني ابد وع منها قديمة و مرة حالتها تقطع القلب
حفر و شوارع مسكرة و ما فيه لوحات على قولك
الله يعين أهلها
:)) كلامك عن الدمام صحيح ..
ومن شخص ولد ونشأ في الجبيل الصناعية … اعتقد إن ربي عاقبني في الدنيا ونقلني للدمام ..
زحمة وغثة ,, وكل شي بعيد ولا شي واضح .. ومحد يدل شي .. واذا بغيت تطلب من مطعم او بقالة لازم تأجر كشاف ليزر توجهه على السما زي افتتاحات المحلات ..
—
اللي خلاني ارد على المدونة هو الصورة بصراحة ..
رائعة وعفوية والاطفال ربي يحفظهم لكم جميلين وابتساماتهم جميلة .. صورة رائعة ..
حرام عليك !
وين زحمة الدمام من زحمة الرياض ..
يا زين زحمة الدمام ، ويا زين غبارها ، ويا زين كل شي فيها !
بعدين مقارنة الخبر بالدمام ظلم ! لأن الخبر ما تجي 5% من مساحة الدمام الشاسعة ..
<< معليه بس متعصب لمدينتي :2
شكرا لهذه المدونة اللطيفة ..
أول شي ما شاءا لله تبارك الرحمن الله يحفظ البنات اللي بالصورة :11
لجين الكبيرة صح ؟ :15
الشي الصغير الجميل هذا :11 وش اسمه ومن تبعه ؟ :21 :11
مع اني ماحب البزران بقوة يعني :24 بس هذه دخلت قلبي :11 وووهـ يا من يبووثها يا نااث :11 :11
أني واي نجي لموضوعك
لو تبي الصج فـأنا ما أفرق بين الدمام والخبر أبد :30
بس اللي أعرفه الدمام هي اللي قديمة وميب كشخة
والخبر الكشخة حقت التمشيات :))
والبحرين تراها محافظة سعودية :7
ثلاث ارباع لوح السيارات هناك سعودية ..
وبالاجازات يبيلك تدووور زيييييين عشان تلقى لوحة بحرينية :))
أقول ورى ما يعطونا اياها ويرتاحون ؟ :22
وطبعا ً كلهم تمشية وسينما وبس :13
التزم بأخلاقك السعودية بليز :13
jaz :
الكبيرة هذي لجين
ولية العهد :)
والثانية ذي النائبة الثانية لولية العهد :33
هذي ” جمانة ” , وهذي أول صورة لها تنشر :23
mzm :
أكيد أن الشرقية كلها على مافيها أفضل من الرياض ….
أنا أقول الله يعين أهل الرياض ويصبرهم بس :P
صباح القشطة
والله يابدر أنا بترك كل الموضوع وبأعلق على الصورة
بسم الله ماشاء الله عليكم
الله يحفظكم جميعاً من كل شر :)
الصورة جداً عفوية وتحسها مليانة حياة.
وه بس يا ملحكم :33
بالله أحجز لي من بناتك يا لي ولا لولدي :21
الشرقية مثلك أنا ما طبيتها من أيام الإبتدائي ..
ولكن من الطبيعي بتكون زحمة ..
الناس عطشانة هع !
أهم شيء طلعت وغيرت جو أنت والمدام والبنوتات :11
استاذ بدر ..
الشرقية حلوه بأهلها .. ناس ما فيه أطيب منهم ..
انا ما عمري سافرت داخل السعودية الا للشرقيه بس ! (بأستثناء مكه والمدينة) ,,
لكن يعيب عليها الفترة الحالية كثر التصليحات في الشوارع ..
والا تعتبر متنفس سريع وبسيط للسعوديين ..
مع انهم يكرهون اهل الرياض كره عظيم لأنهم يسببون لهم الزحمات في كل مكان !
الدمام الحمدلله مدينة صغيرة جميلة متواضعة
احبها كثير واحترم اهلها فديتها والله والخبر كلها كم شارع
اختكم جواهر
وهـ ياقلبسسس على الثعنووون :21
يثلم لنا الولدي ياناث :21
الله يخليهم لك ولـ أميميتها يآرب :11
وبالنسبه لحتسيك عن الدمام صح زحمه وصح غبآر :)) بس زي العسل على قلوبنا
والله مشكلتنا من بلديتنا الله يسآمحهم ابد ابد مو مهتمين :17
بس شوف بلدية الخبر:13
وهم مهتمين بالخبر لان الإمراء والكبآرية من سكآن الخبر :23
والا والله مادروا لاعن الدمام ولاعن الخبر :))
< وحدهـ مقهوره :))
مدونه اكثر من رائعه .. الله يوفقك
مشكور يعطيك الف الف عافيه بدر ولله الشرقيه حلوه مره بس فيه ناس غير عن ناس