ذكرياتي مع عيد الأضحى - المصور بدر الشايع | Badr AL-Shaya photography ذكرياتي مع عيد الأضحى |

ذكرياتي مع عيد الأضحى

عيد الأضحى

فرحتي في عيد الأضحى تغلب الفرحة بعيد الفطر , يمكن السبب أن عيد الفطر هو إعلان لانتهاء شهر رمضان المبارك وكذلك طبيعة الأحداث في عيد الأضحى, معايدتي لكم مجموعة سواليف .

# من المواقف المضحكة اللي صارت لي قبل  10 سنوات تقريباً ,  يوم دخلت للحوش في بيت أهلي عشان نطلع واحد من الخرفان , على بالي مسوي فيها خطة محكمة مع عيال عمومتي نعزل الخرفان في غرفة صغيرة في زاوية الحوش عشان يتبقى واحد ويسهل علينا سحبته للإعدام , المهم دخل أول واحد للغرفة وما دريت أن باب الشارع مفتوح  ::6 , وانقلب السالفة مطاردات في الشارع العام لين فزع لنا واحد بالتحجير . ( ستر ربي  وإلا صرت أنا الضحية بداله ) ::8 .

# في حج عام 1426 كان لي موقف مرعب , في آخر أيام رمي الجمرات كنت متجه للرمي ومعي أم لجين ,  وفي منتصف الطريق توقف السير وزاد الزحام بشكل قوي , ودقايق إلا الدعوى انقلبت إلى أمواج بشرية ماتقدر تتحرك لا يمين ولا يسار مع كل مكان مقفل , يوم بدينا نسمع أصوات الإسعافات وبدت قوات الطوارئ تدخل بين الحجاج تحاول تعزل منطقة الإصابات , حقيقة الموقف مخيف لأنه مب لحالك وتقدر تتداخل بين الناس وتفك روحك ::19 , لكن سبحان الله مع تحركات الموج البشري قربنا لأحد خطوط قوات الطوارئ ويوم شاف الجندي من معي قال ادخلوا لين طلعنا من المكان بسلام .

# اليوم صار موقف مضحك بعد ما ذبح الوالد الأضحية وتم الرفع لإكمال السلخ والتقطيع , قال كملوا الباقي ,وبعدها  *******أحداث*** مشفرة******* , الظاهر لو عرفت حقوق الحيوان وش سوينا كان رفعوا لمجلس الأمن ::9  .

# بعد ظهر اليوم وصلت مكالمة هاتفية على الجوال من روضة الأطفال يهنئون " لجين " بعيد الأضحى , والله وكبرتي يالغالية وبدت توصلك التهاني بالعيد ::7

 كبدة شرايكم أعرف أطبخ ؟!! ::15

# أعاد الله علينا وعليكم العيد بالخير والبركة وكل عام وأنت بخير .



تعليق 14 على “ذكرياتي مع عيد الأضحى”

  1. Lamia Madhi 18 نوفمبر 2010

  2. ابو علي بن علي 18 نوفمبر 2010

    كل عام وانت بخير وتقبل الله منا ومنكم

    على سالفة المطار بالشارع زين ما نزلوك باليوتيوب

    تحياتي

  3. آمال الزهور 19 نوفمبر 2010

    كل سنة وأنت وأحبابك بخير
    ذكريات فلللله وخصوصا لو كنت أنت البدل الفاقد للضحية المنحشه ::9 بس ربك ستر
    وعسى الله يبلغك ماتتمنى في لجين وأختها .

  4. البندري 20 نوفمبر 2010

    كل سنه وانت بصحه وسلامه

    موقف الخروف مرره ضحكني نخيلت شكله
    يركض بالشارع وانتووا وراه
    هههههه
    ذكرني بموقف خروف جدتي اللي بدال ماينحاش بالشارع
    دخل علينا بوسط البيت ومن غرفه الى غرفه
    هههههه

    والله يخلي لك لوجين واختها
    والله يحفظهم من كل مكررروه

اضف تعليقك