- - http://www.badr.cc -

ذكرياتي مع عيد الأضحى

عيد الأضحى

فرحتي في عيد الأضحى تغلب الفرحة بعيد الفطر , يمكن السبب أن عيد الفطر هو إعلان لانتهاء شهر رمضان المبارك وكذلك طبيعة الأحداث في عيد الأضحى, معايدتي لكم مجموعة سواليف .

# من المواقف المضحكة اللي صارت لي قبل  10 سنوات تقريباً ,  يوم دخلت للحوش في بيت أهلي عشان نطلع واحد من الخرفان , على بالي مسوي فيها خطة محكمة مع عيال عمومتي نعزل الخرفان في غرفة صغيرة في زاوية الحوش عشان يتبقى واحد ويسهل علينا سحبته للإعدام , المهم دخل أول واحد للغرفة وما دريت أن باب الشارع مفتوح  ::6 , وانقلب السالفة مطاردات في الشارع العام لين فزع لنا واحد بالتحجير . ( ستر ربي  وإلا صرت أنا الضحية بداله ) ::8 .

# في حج عام 1426 كان لي موقف مرعب , في آخر أيام رمي الجمرات كنت متجه للرمي ومعي أم لجين ,  وفي منتصف الطريق توقف السير وزاد الزحام بشكل قوي , ودقايق إلا الدعوى انقلبت إلى أمواج بشرية ماتقدر تتحرك لا يمين ولا يسار مع كل مكان مقفل , يوم بدينا نسمع أصوات الإسعافات وبدت قوات الطوارئ تدخل بين الحجاج تحاول تعزل منطقة الإصابات , حقيقة الموقف مخيف لأنه مب لحالك وتقدر تتداخل بين الناس وتفك روحك ::19 , لكن سبحان الله مع تحركات الموج البشري قربنا لأحد خطوط قوات الطوارئ ويوم شاف الجندي من معي قال ادخلوا لين طلعنا من المكان بسلام .

# اليوم صار موقف مضحك بعد ما ذبح الوالد الأضحية وتم الرفع لإكمال السلخ والتقطيع , قال كملوا الباقي ,وبعدها  *******أحداث*** مشفرة******* , الظاهر لو عرفت حقوق الحيوان وش سوينا كان رفعوا لمجلس الأمن ::9  .

# بعد ظهر اليوم وصلت مكالمة هاتفية على الجوال من روضة الأطفال يهنئون " لجين " بعيد الأضحى , والله وكبرتي يالغالية وبدت توصلك التهاني بالعيد ::7

 كبدة شرايكم أعرف أطبخ ؟!! ::15

# أعاد الله علينا وعليكم العيد بالخير والبركة وكل عام وأنت بخير .