قال سياحة … قاااااال
كانت خطتي هذا العام لأماكن معينة , ولكن للأسف أضطرتني الظروف لإلغاء السفرتين , وفي الأسبوع ماقبل الأخير لدوام المعلمين تم إبلاغنا أنه قد تم اختيار مدرستي ضمن المدارس المختارة في المملكة لمشروع الملك عبدالله لتطوير التعليم العام , وأنه يجب على جميع المعلمين
الإلتحاق بالدورة التدريبية التي ستقام خلال الأسابيع الثلاثة الأولى من شهر 8 الهجري , وتم تحديد المدن الثلاث ( جدة , الطائف , أبها ) , وقلت في نفسي مادام السفرة ألغيت ليش ما أختار مدينة أبها منها أحضر الدورة ومنها أكمل بقية الأيام اللي كنت مقررها للسفر .
لكن للأسف الشديد تمنيت أنهم رفضوا طلبي في اختيار أبها , نظراً لما حصل لي من مآسي هناك , وسأذكر بعضها من خلال عناوين جانبية ضمن هذه التدوينة .
لا أبهى من أبها ….. ولا عسير في عسير
كانت رحلة أبها أيام المرحلة المتوسطة من أجمل الرحلات العائلية في حياتي التي مازلت أتذكر تفاصيلها حتى الآن , وكنت أشاهد عبارات في شوارع المدينة وفي اللوحات الترحيبية في مداخل المحافظات والقرى تردد ( لا أبهى من أبها ) والأخرى ( لا عسير في عسير ) , وكانت فعلاً أبها من أبهى المدن السياحية حتى وقت قريب
كانت الأمطار تقريباً في كل يوم وكانت الأرض خضراء بمعنى الكلمة والمتنزهات من أجمل مارأيت ذلك الوقت .
سافرت أكثر من 4 مرات بعد تلك السفرة ولكن تختلف الأجواء وكان آخرها قبل عامين وكانت رحلة ممتعة لحد ما , لكن رحلة هذا العام كانت من أسوأ رحلاتي فبعد أن قطعت 1400 كيلو متر مستطيل ( يستخدم المستطيل كوحدة قياس للتعبير عن المسافات المملة :P ) من مدينة بريدة- الرياض-الخرج-وادي الدواسر-خميس مشيط – أبها ,
وعند دخولي لم أشاهد الأمطار أو السحب كما تخيلتها وكنت أمني نفسي أن أعيشها هروباً من حرارة منطقة نجد .
زحمة يا أبها زحمة
كانت الخطوة الأولى هي البحث عن سكن داخل المدينة لتكون قريبة من مقر إقامة الدورة في فندق انتركونتننتال السودة .
أنا ماسك الجوال والمعزبة تنقل لي ارقام الشقق من اللوحات , والرد من الطرف الثاني جاهز بالعبارة المعهودة ( كلللللله فل ) , لين ربك سهلها ولقيت الغرفة الفاضية في عمارة سكنية على الحزام الأخضر ما أبي أذكر أسم الشقق من زود القهر اللي بي .
أنا : السلام عليكم …. فيه شقق وإلا غرف ؟
الموظف : فيه غرفة باقية
أنا : وش فيها ؟
الموظف : غرفة وحدة بدورة مياة وبدون صالة .
أنا : حلو حلو .. حنا اثنين مع الصغينونة ….. بكم ؟
الموظف : 500 ريال في اليوم
أنا : 
من زود القهر …
بالله عليكم , هل يعقل غرفة في عمارة سكنية وعلى الشارع العام وبـ 500 ريال اليوم ؟ ….. طبعاً ماراح تقدر تفاصل معهم بالسعر علطول يرد ( هذا الموسم )
عاد أبشركم لقيت غرفة بدون صالة بـ 300 ريال وتلفزيونها يوشوش , ولا تستغرب أنك تتعفر بالتراب إذا قمت من النوم لأنه مافيه ماء تغسل وجهك فيه !
هذا بخصوص السكن , وش أقول وش أخلي في الشوارع وزحمتها ! والمنتزهات وحوستها و و و و و و
موسم الأسعار فقط للمعلمين
هالسنة هي أول السنوات العشر المقبلة اللي رمضان يكون في الإجازة , وطبعاً أنتم عارفين أغلب العوائل ماراح تسافر في رمضان , فالموسم انحصر في شهرين ( 7 & 8 ) , طبعاً شهر 7 أول الأجازة والمعلمين يداومون يعني مافيه إلا الموظفين مسافرين مع عوايلهم , وبدت الإجازة للمعلمين في شهر شعبان إلا والأسعار فجأة قفزت بالعلالي !
ليش بس في شهر 8 ارتفعت أسعار السياحة عندنا ؟!! ….. عشان المدرسين !!!! … عشان مكاين الصرافات المتحركة ؟! …. ليش بس .؟؟؟
أتمنى أحد يرد علي ويقنعني بالسبب , لأني استغربت من الأسعار في كل شي وسألت بعض زملائي الموظفين وقالوا لي الأسعار أقل من كذا بشهر 7 , وواحد منهم كانت أجازته في نهاية 7 وقال له موظف الإستقبال ترى الأسعار من السبت بتتغير لأنه بدأ الموسم !!!!
أبو خيال .. أسعار في الخيال
قلت مادام أني مجبور خلال هالأسبوع في أبها , خلني أطلع التلفريك اللي يقطع المدينة من الجبل الأخضر لمنتزه أبو خيال , قلت بطلع للجبل بالأول وأجلس فيه شوي ومن بعدها اطلع التلفريك للمنتزه وأرجع مره ثانية , يوم جيت البوابة قال لي السيارة بـ 25 ريال ومافيه أماكن لا زم تنتظر , قلت خلني أديور واطلع من عند المنتزه في الجهة الثانية, يوم جيت البوابة قال لي
التذكرة 5 ريال !! .. أنا في نفسي استغربت ذاك يقول بـ 25 ريال وهذا بـ 5 ريال وفيه مواقف ! .. أكيد أني محظوظ بعد المعاناة ووعلى قولة المصريين ( ربنا بيحبك ) , وقفت السيارة وجلست أدور الطريق اللي يودين لمحطة التلفريك وإلا أقول شوفوا الصور وبتعرفون الطريق صح , لكن قبل الطريق تصدقون سعر الشخص الواحد 90 ريال والطفل 45 ريال والعربة تاخذه لك أنت وعايلتك بـ 560 ريال بسسس , ولعلمكم العربة توديك المحطة الثانية وترجع بك
الله يذكر أيام جنتنق بالخير , التذكرة تقريباً بـ 15 ريال وتوديك فوق الغابة مسافة أكثر من 3 كيلو .
طريق الوصول إلأى محطة التلفريك في أبو خيال .
الحبلة …. ومتطلبات شباب المستقبل
http://www.badr.cc/image/209.jpg
قرأت قبل فترة عن شعار مهرجان أبها السياحي لهذا العام والذي اختير بعنوان ( الشباب ومتطلبات المستقبل ) , أظنكم توافقونني الرأي بجمال وحسن اختيار العنوان , فمن يسمعه ويكون طموحاً مثلي سترتسم بمخيلته العديد من البرامج والفعاليات والأنشطة الرياضية وغيرها التي تعوض لشباب المملكة هذا الحرمان الكبير في إجازة الصيف وخصوصاً أن جميع الأماكن محظورة عليهم , فقلت في نفسي والله يالمنظمين بياخذون أجر هالشباب في الإجازة .
وخصوصاً أن الشعار في كل مكان في المدينة حتى أني شاهدته ملصق على سيارات المرور هناك , ما أبي أبالغ بالموضوع لكن بترككم مع الصور من منتزه الحبلة وأظنه هو المتنفس الأكثر للشباب :
لعبة رفع الشخص فوق القماش
لا تتوقعون أنها مخيمات اللاجئين في أحد الدول , هذي خيام للتأجير على الشباب في الحبلة .
الهواية المتوارثة من الأجداد وهي رفع السيارة بالحصى .
دورات المياه والوضوء ضمن التسعيرة
لا تستغربون فهذه هي السياحة الداخلية ,فنظراً لقلة المياة وأزمتها اليومية في أبها سترى الكثير من العبارات التي تطالبك بدفع المال قبل أن تدخل الحمام !!!
فمنتزه الحبلة شاهد بسيط على هذا , فبعد المشوار الطويل للوصول إلى المنتزه من مدينة أبها لن تجد دورات المياة متوفرة بل ستقابلك اللوحة الحمراء بجوار دورات مياه المسجد والذي كتب فيه اعتذار أنه بسبب عبث الناس بالمياه ولصعوبة توفيرها فقد تم إغلاق دورات المياه فإذا أردت الدورة فعليك الدخول لها داخل المنتزه , وبكم قيمة الدخول ؟
20 ريال بس .. يابلاااااااااااش !!! .. عشان دورة المياة تدفع 20 ريال 
والمصيبة الثانية شفتها في أحد المواقع صورة لموقع أسفل الحبلة
جرب لعبة درايفر على الطبيعة
لا أبالغ في الكلام وكل من شاهد المنظر السيئ سيشهد بذلك , فالطريق المؤدي لمنتزه السودة هو مسرح اللعبة كل يوم , شارع طوله تقريباً 22 كيلو متر , ضيق ومليئ بالمنعطفات الخطرة وسيارات كثيرة وشباب مراهق لا يتجاوز السيارات الأخرى إلا في المنعطفات , ولك أن تتخيل كمية الإنزيمات التي تضخ في جسمك وأنت تسير في هذا الطريق , يد على قلبك والأخرى على الدركسون , ولكم أن تحسوا بمعاناتي يومياً لمدة خمسة أيام في الصعود والنزول من الفندق عبر هذا الطريق .
من أبها للنماص للباحة .. وياقلب لا تحزن
ماصدقت انهم سلمونا الشهادات يوم الأربعاء إلا وانطلق من ابها هرباً من القهر لمحافظة النماص المشهورة ببرودتها وأمطارها وخصوصاً أنها تبعد 150 كلم عن أبها , وأبشركم في الطريق أمطرت علينا واستانسنا 
, ويوم وصلت المحافظة الصغيرة , قلت أدور على غرفة أريح فيها وأكمل بقية الإجازة ,لكن في النماص مشكلة أنه أغلب الشقق على الشارع العام وعددها قليل وأسعارها مرتفعة , فوقفت عند آخر مكان لعلي أجد ضالتي عندهم , فاسم الشقق يوحي باسم فخم ومنظر المبنى
من الخارج كذلك , يوم سألت عن السعر قال سعر الغرفة بـ …… ريال ( أقول وإلا أخليها في الحلقة القادمة )
:
:
:
:
والله العظيم قال لي سعر الغرفة بـ 800 ريال باليوم !
وارجع للسيارة ونقرر الهجرة إلى الباحة فهي ماتبعد 200 كلم عن النماص , ونفس الحكاية أسعار مجنونة وغرف مزحومة , واستقر بنا المبيت آخر اليوم في مدينة الطائف بعد 8 ساعات من السفر عبر الطرق الجبلية السيئة من مدينة أبها حتى الوصول للطائف !
طبعاً ماجلست في الطائف إلا يومين , لأنها برأيي ماتستاهل القعدة , في النهار حرررررر ولا حرارة نجد وبالليل هواء بارد , ماصارت مصيف هذي , صارت رحلة ألعاب ترفيهية في الليل !
أخيراً
ليت كل هالغلاء في الأسعار على سنع , زحمة وأسبوع كامل مافيه يوم جاء مطر , صرنا نتشفق لشوفة السحاب بالسماء لعل الخير يجي , وتنظيم أسوأ من السيء للمرور في الشوارع , ووصاخة منتزهات ولا شوارع مكة , ما أدري وين عمال النظافة في الإجازة ,خوفي أنهم قاعدين يحملون أغراض الناس عند الشقق ومخلن الشوارع تسبح في القاذورات.
و بعد هذه المتعة السياحية في ربوع بلادي , أتمنى أني أكون رديت لنفسي جزء بسيط من رد الإعتبار جراء المعاناة في هالرحلة المشؤومة . وسلملي على سياحة البلد , وقبل أقفل الموضوع هذي صورة هدية لكم لتنقل لكم نشوة شجر الصبار مع هالطبيعة الساحرة !
ودمتم سالمين 
|
كلمات مفتاحية: أبها, الصيف, سياحة, عسير, هيئة سياحة |
Loading ...
18 أغسطس 2008 في الساعة 9:12 ص |اقتباس
وه وه وه
اش داااااااااااا
مابقيت شي ما جبت سيرته
قيد قلتها قبل
يقول لي تحسبيهم ما يدفعوا! والله في عيلة قالت بتدفع حتى 15 ألف أهم شي يجيب لهم شقة!!
السواح السعوديين عيونهم تتبقق لما يلاقوا شقق تايمز سكوير بـ800 في الشهر!
أجل لو قرأوا اللي انت تقول عليه دحين بيدفعوا وهم ساكتين!
السنة الماضية كنت أتعامل مع واحد تونسي اسمه حكيم مستثمر شقق في تايمز سكوير.. كان يقول لي لما يكتر الطلب مرة يخلي الشقة بـ13 ألف! كنت أصرخ فيه وأقول ليه الطمع! كدا انت بتكون من مخربي السياحة
وانت عارف طبعاً كيف شقق تايمز سكوير
تدري اني من زماااااااااااااااااااااااان ما رحت الطايف!
ماعاد صرنا نقرب من الطايف خخخ
هي مرة وحدة بس رحنا شوينا في الهدا وخلاص
ومن جد من جد سلموا لي على سياحة السعودية
8
18 أغسطس 2008 في الساعة 10:24 ص |اقتباس
أحد زملاء الدراسة الأستراليين .. سألني تنصح أجي السعودية سياحة ؟
هل فيه مناطق تسوى ؟
قلت له إذا كان مسؤولين السياحة مثل مسؤولينكم تعال و أبشر بـ عزك !
على العموم ..
الحمدلله على السلامة ..
18 أغسطس 2008 في الساعة 10:43 ص |اقتباس
غياب خالد الفيصل ، ترك أثر واضح
7
18 أغسطس 2008 في الساعة 3:30 م |اقتباس
سلامي على السياحه في وطني
عشان تصيف في وطنك
قرقش جيبك الله لا يهينك
لو عطست لازم تدفع 30 ريال << ضريبة تلوث البيئه
والله هبل
والناس تدفع
انا مو مشكله عندي ادفع بس لو في شي يسوى ادفع له دفعت ما اقول لا
ما اقول الا
تبي تصيف في السعوديه
والله البيييت احسن
:P
18 أغسطس 2008 في الساعة 6:17 م |اقتباس
كنت أتمنى أزور أبها وأشوف مصايف وطني ، لكن الحمد لله
اني قريت تقريرك !
ويـا سلام على شعار الهيئة العليا للسياحة:
( الإجازة الصبفية ، متعتها في السعودية )
إلا والله نكبتها في السعودية !
حمد الله ع السلامة أستاذ بدر
18 أغسطس 2008 في الساعة 10:42 م |اقتباس
مدري وش أقول ..
حسبي الله ونعم الوكيل
18 أغسطس 2008 في الساعة 11:46 م |اقتباس
asma :
ماشفتي شي , هذا غيض من فيض من البلاوي هناك ..
من زود الحرة أول ماوصلت من مكة كتبت الموضوع , وقبل ما أنام
18 أغسطس 2008 في الساعة 11:48 م |اقتباس
محمد المغلوث :
قله يجي يتشمس عندنا :P
أي سياحة يارجال … حتى مدائن صالح اللي فيها التراث يبلشونك لو رحت له
18 أغسطس 2008 في الساعة 11:49 م |اقتباس
female :
الآزمة زادت هالسنة بزود …
عادي يجلس المشروع عندهم 10 سنوات , وبالأخير يطلع لمقاول ثاني
18 أغسطس 2008 في الساعة 11:50 م |اقتباس
حلمي معي :
ياليت على هالدراهم فيه خدمة زينة ..
يكلمك من طرف خشمه , يقول تبي وإلا يجي نفر ثاني يشيل شقة
18 أغسطس 2008 في الساعة 11:51 م |اقتباس
خالد بن محمد :
الحمد لله على السلامة …
الإجازة نكدها في سياحة السعودية
18 أغسطس 2008 في الساعة 11:52 م |اقتباس
محمد :
وش تقول وش تخلي …
وربي مصايب هناك ..
لكن خلها على ربك , والشرهه على اللي يطلع هناك
19 أغسطس 2008 في الساعة 12:43 ص |اقتباس
أستاذي أنا في أبها ..
الجو تمااااااااام التمااااااااااام .. أمطار وخضرة وجمال طبيعة , وسحب وبراد ..
وأسعار مناسبة جداً .. !
غريب جداً كلامك !
20 أغسطس 2008 في الساعة 1:33 ص |اقتباس
يا أخي تعا على لبنان و بلا وجعة راص و بلا هالسياحة. قال سياحة قااااالل!! تعال إلينا شتاءا أو صيفا لتشعر بالمعنى الحقيقي لكلمة سياحة و جو لطيف و طبيعة خلابة.
20 أغسطس 2008 في الساعة 3:07 ص |اقتباس
صالح الخضير :
بالأمس وصلني اتصال من أحد الزملاء هناك يقول لي أنه جاهم مطر أمس …
لكن تقول لي مافيه زحمة ولا أسعار بالعلالي …. أخالفك هنا
20 أغسطس 2008 في الساعة 3:08 ص |اقتباس
عونيـ :
وين أيامك يالبنااااان
أمنيتي أن أتزلج على جبال الثلج
20 أغسطس 2008 في الساعة 5:24 ص |اقتباس
طرح رائع اخوي بدر ,, وواقع مؤلم ,,
انا الى الان مازرت ابها ,, وبصراحه صدمتني الصور والمواقف
خاصه الخيام ,,, هذا لو free ما احد يقبل فيها ,, قال ايجار قال ..!!
وبالنسبه لاخوي خالد” (ويـا سلام على شعار الهيئة العليا للسياحة:
( الإجازة الصبفية ، متعتها في السعودية )
إلا والله نكبتها في السعودية !)”
المسؤليه تقع على راس المستثمرين ,, الهيئه تصلح من جهة وتتعب
وهم يستغلون من جهة ثانيه ويوظفون ناس موب قد المسؤوليه
والهيئه ماراح تقدر تتابع وتراقب الكل ,,
وبالنسبه للبنان ,,, صيف وسياحة وشو يهالاوضاع ,,,اعتذر للاطاله
وشكرا اخوي بدر مره ثانيه على الطرح والصور ,,
20 أغسطس 2008 في الساعة 7:21 م |اقتباس
نعم للسياحه بالخاررررج ..
ارخص واجمل ..
21 أغسطس 2008 في الساعة 2:53 م |اقتباس
والله اتبهدلت يا بدر ,,
حسيت كأنو السعودية من أفقر الدول في العالم !!!!!
ياهو هادي ابها ,, الي اسمع الناس كل ما يروحو يقولو خضاااار وجمال وجووو روعة !!!
والله عجيبة ,,
بعدين تلفريك يوصل 560 !! ,, خد تذكرة طيارة احسن خخخخخ ,, وعلى قولة الله يخلي جنتنق ,,
يلا يا سيدي خيرها بخيرها ,, اليوم ابها بكرة عرعر ولا عنيزة !
بالتوفيق يارب ,, وان شاء الله تكون استفدت من الدورة وانو حيكون في تطوير في التعليم في السعودية ,,
22 أغسطس 2008 في الساعة 2:18 ص |اقتباس
soma al ibrahim :
شاكر لك الحضور الجميل …
أتمنى أن تقوم الهيئة بدورها وبقوة وأن لاتكون فقاعة صابون …
22 أغسطس 2008 في الساعة 2:20 ص |اقتباس
أحمد بدرة :
ربك يعين يارجال على السياحة النكبة :P
وبخصوص الدورة الحمد لله استفدنا كثير من الدورة والله يطرح فيها البركة ..
22 أغسطس 2008 في الساعة 11:46 ص |اقتباس
الحمدلله على السلامه ,, بدر ,,
أنا من متابعين مدونتك حتى من خارج الوطن ,,
بصراحة ماألومك ,, أنا بالعربي ( سااااحب ) على السياحة الداخليه بالمره ,,
حاليا انا باستراليا للدراسه (دعواتك بالتوفيق)
,,
يااخي حدايق الحواري أحسن من أبها ومافيها
وبعدين تروح لأي حديقة عامة ومناطق حلوه ومتنزهات ببلالالالالالاش ,, يعني ماتدفع ولا شي
وفيه أماكن زي اللي فيها تلفريك تدفع بس رسوم عاديه واذا مابغيت عادي بس تدخل وتتفرج
ولا فيه استغلال
السعر بالاجازة زي السعر بغيره
تعال بس وبتنبسط إن شاء الله ,,
اقتراحي بصراحه ,, إن الواحد يجمع نفسه ولاهوب لازم يسافر كل سنه ,, وبعدين اذا جمع قرشين يسافر لدوله (خارج الوطن الاستغلالي العربي
وينبسط ,,
بالتوفيق في سفرات أخرى,,
وبانتظار جديدك
تحياتي
حمد
22 أغسطس 2008 في الساعة 11:51 ص |اقتباس
معليش رجعت مره ثانيه
توني اقرا رد أحمد بدره
وش فيها عنيزة ؟؟؟
ياخي عندنا مزرعه هناك تسوى أبها بقرودها ,,
لا للتعصب
بس الحنين الى الوطن تحرك شوي
مع اني من سكان وعشاق الرياض
22 أغسطس 2008 في الساعة 3:47 م |اقتباس
يازين ابها قبل 20 -15 سنة
لازحمة ولا قذارة ولاتحتاج تنظيم ، منظمه نفسها بنفسها و طبيعتها كانت جميلة قبل لا يخربونها “المصطافين”
من يوم التفتولها مسؤولي السياحة وهي خربانه و انكبوا عليها الناس وخربوها
افكر اروح لابها في العيد ،،، بس عقب ما قريت تدونتك هونت ، حر الرياض والا قرف ابها
يعطيك العافية
23 أغسطس 2008 في الساعة 1:44 ص |اقتباس
حمد :
يشرفني متابعتك لمدونتي وأنت خارج الوطن
تصدق كلامك حلو … الواحد يجمعها سنتين ويطلع رحلة للخارج ويطيح كل اللي في راسه …
وبخصوص سالفة أحمد بدرة … تراي معاك .. أنتم جيراننا :P
23 أغسطس 2008 في الساعة 1:47 ص |اقتباس
تميم :
آآآآآآه بس ياتميم …
والله أنه لليو مأتطعم بذيك الرحلة أول مارحنا أبها من زمان قبل أكثر من 15 سنة …
شوري عليك خلك بديرتك وعندك مكيف وربنا لك الحمد
24 أغسطس 2008 في الساعة 3:37 ص |اقتباس
ااخوي وربي انك صادق 100%..
انا رحت ابها السنة هذه..وطول عمري كنت رافضة اروح لها لاني عااارفة انها ما عندك احدا…. بس مجبر اخاك لابطل..كنت ابغير جو…بس ما اتوقعت اني اتنكد نفسيااا بلا ما اغير جو وارتاح…
حتى النوووم معرفنا ننام فيها رجة الشباب والاغاني والرقص تحت الشقة..
تصدق اخوووي مرررة رحنا الخبلة(الحبلة) الظهر قلنا بنكشت..والله الجو كان كتمة جدااا ورحنا بعدين السودة الله لايوريك مليااااانة نفايات..طلعنا من الساعة 11 الظهر وما استقرينا الا 3 الظهر..لااا وابشرك في مواقف فندق انتركونتننتال السودة تغديناااا..
ااااه وفشيلتااااااه في ذاك اليوم ومن حسن حظناااا الرااائع كان فيه اجتمااع او مؤتمر بالفندق…والناس ورجال الاعمال بالشنط والبدل..واحنا محد قدنا مبسطين نتغدى بالمواااقف..صراااحة احسن مكان في ابها المواقف..ولا ملاهي ابها الجديدة الدخوول بـــ45 وربي ماتستاهل فيها كم ملاهي بس ويضحكون وينصبون عالعالم العروض اللي فيها بس يحطون لهم اغاااني ..
ولا الجبل الاخضر اااه حتى صادفنا الدخول برسوم..لو راايح جبال الالب مااايسوى..
اساسا تعريف الاجبل الاخضر هو:خليط من اللمبات الخضر والزبايل والترااااب و بعض الخدع فقط…
بلاااااا سياحة داخلية بلاااااهم زااايد…..
قالوا في ابها: ابها مرحبا الف وتصرف في اليوم بالف..
25 أغسطس 2008 في الساعة 12:29 م |اقتباس
بعض الأحيان تراودني أفكار بإني أزور أبها والطائف بس خلاص غيرت رايي.
29 أغسطس 2008 في الساعة 6:35 ص |اقتباس
jennifer2008 :
هههههههههههههههه
لا تكونون أنتم اللي شفتهم في مواقف الفندق ؟!
لأنه دورتي كانت في الفندق , وكم مرة أشوف عوايل جالسة هناك !
والله المصيبة المحزنة بعد … طول مشوار وآخرتها زبايل وزحمة وغلاء فاحش
29 أغسطس 2008 في الساعة 6:42 ص |اقتباس
نبيل :
اقضب أرضك أزين لك ..
وخل سياحتك في بيتك :P
29 أغسطس 2008 في الساعة 3:53 م |اقتباس
بدر ..
ما يحتاج افضفض لك وش اقول .. انت تعرف موضوعي
وتعرف اني لو يحصل لي اوقف هيئة السياحة واقلبها
مزاد علني والا اخليها مركز للشباب كان احسن وأهون ..
الله يعين بس على دراهم الناس والله مساكين !
29 أغسطس 2008 في الساعة 4:44 م |اقتباس
مشغول :
مممممممممممم
تصدق جبتها … نقلبها مركز للشباب وخصوصاً أن شبابنا مظلومين سياحياً :P
31 أغسطس 2008 في الساعة 3:09 م |اقتباس
آآآآآآآآآآآآآآآآه وما أدراك يا أبو سليمان عن حجم المأساة والألم الذي أصابني بعد رحلة
هذا العام إلى أبها وكلما تذكرت الرحلة أصاب بإحباط نفسي شديد…
بداية من الطريق الممل والمار بتلك القرى السيئة في مداخلها وطرقها…
انتهاءاً بالهدف المنشود…
طبعا الرحلة شبابية يعني عزابيه بعد ما وصلنا كالعادة نتجه إلى السودة وصاحبنا صاحب
مكتب عقار كبير في السن يدعى أبو صالح” يعني عندنا واسطة”
فلللللللللللللل بهذه الكلمة استقبلنا أبو صالح لكن عشان المعرفة والعيش والملح اللي
بيننا بحثلنا عن شقة وحصلنا ولله الحمد شقة راقية عبارة عن…….؟؟؟؟ توقع
عبارة عن بيت بلك بدون كهرب أو دورات مياه مجرد شباك للنوافذ وباب…والسعر ب….
؟؟؟؟؟؟؟
مية ريال؟؟؟ قايلكم أبو صالح واسطتنا…؟؟؟؟
لكن هالمرة وآخر مرة ما عاد فيه أبها…
18 سبتمبر 2008 في الساعة 9:03 م |اقتباس
ههههههههههههههههههههههههههه
والله مثل حالتنا في الصيف .. بما إننا إنحدينا نصيف في ربوع بلادي .. طبعاً لا أماكن ولا أسعار ولاشي يفتح النفس
يازين السياحة برا بس
6 نوفمبر 2008 في الساعة 1:36 ص |اقتباس
هههههههههههههههه
والله يابدر حالتك يرثى لها …
رح جدة او الشرقية جو على كيف كيفك